LAOAG CITY – Natiliw ti maysa a wanted person iti ili ti Vintar kalpasan ti agarop tallo a dekada.
Ti akusado ket agtawen ti 42 mannalon, naasawaan ken residente iti Brgy. 19 Columbia, Vintar, Ilocos Norte.
Naiserbi ti warrant of arrest kontra iti akusado babaen iti Philippine National Police – Vintar, Provincial Special Enforcement Team, Ilocos Norte Police Provincial Office (INPPO) nga indaulwan ni Police Capt. Roi Manuel Ordonio babaen iti supervision ni Pol. Col. Julius Suriben, ti Provincial Director ken ti PIU-INPPO, INTPU, INCIDT, 101st MC, RMFB1, 144 Special Action Company/14 Special Action Batallion.
Ti warrant of arrest a napetsaan ti September 29, 1993 ket inparuk-at ni Hon Presiding Judge Manuel B. Fernandez Jr. iti First Judicial Region, Laoag City gapo iti kaso a robbery.
Narekomendaran met daytoy iti walo ribo a pisos para iti temporaryo a pannakawaya-waya na.
Iti agdama, ti akusado ket adda iti kustudiyar iti Philippine National Police.
