LAOAG CITY – Naarestar ti maysa a wanted person iti ili ti Pasuquin babaen iti bileg ti alias warrant of arrest.
Nabigbig ti akusado a ni Charito Barcarce y Orbayo, agtawen ti 61, naasawaan, mannalon ken residente iti Brgy. Sta Matilde iti ili ti Pasuquin.
Naarestar daytoy iti mismo a pagtaengan na kalpasan a naiserbi ti Alias Warrant of Arrest nga inisyu ni Hon. Richard B. Balucio, ti Presiding Judge iti 2nd Municipal Circuit Trial Court Pasuquin-Burgos, First Judicial Region gapu iti kaso a panagtatakaw ken napetsaan idi Abril 18, 2022.
Nagtalinaed ti akusado iti kustoyar ti PNP-Pasuquin ken narekomendaran ti lima a ribo a pisos a piyansa para iti temporaryo a pannakawaya-waya na.
