LAOAG CITY – Natiliw ti Most Wanted Person kalpasan ti walo a tawen babaen iti bileg ti warrant of arrest.
Ti akusado nga agtawen ti 33, naasawaan, tubo iti Barangay Pila ditoy ciudad ti Laoag ken agdama nga agnanaed iti Brgy San Vicente, San Fernando City, La Union nga isu ti nakatiliwan na.
Naarestar daytoy babaen iti nagtitipon a pwersa ti Provincial Special Enforcement Team, Ilocos Norte Police Provincial Office nga indaulwan ni Police Captain Tolentino Erum Jr., ken ti Pinili Police Station babaen iti superbisyon ni Police Col. Julius Suriben, Provincial Director together with PIU-INPPO, INTPU, INCIDT, 101st MC, RMFB1, 144 Special Action Company/14 Special Action Batallion and San Fernando City Police Station – La Union Police Provincial Office.
Ti alias warrant of arrest a napetsaan ti October 27, 2015 ket inparuk-at ni Hon Presiding Judge Francisco Quilala iti Regional Trial Court- Branch 14 Laoag City gapo iti qualified theft.
Narekomendaran met daytoy a makapagpyansa ti 24 a ribo a pisos para iti temporaryo a pannakawaya-waya na.
Kabayatanna, maibyahe ita nga aldaw ti akusado manipud iti probinsya ti La Union.
