LAOAG CITY – Naarestar ti maysa a wanted person iti ili ti Piddig babaen iti bileg ti warrant of arrest ken gapu iti kaso na a panaglabsing iti PD 705 wenno illegal logging.
Binigbig ni PLt. James Jacalne, ti hepe iti Philippine National Police-Piddig ti akusado nga agtawen ti 53, naasawaan, driver ken residente iti Brgy. 23 San Antonio iti nasao nga ili.
Immuna iti daytoy, kuna ni Jacalne a ti warrant of arrest a naiaparuk-at idi Enero ita a tawen ket inyernag ni Hon. Nida Alejandro, ti presiding judge ti RTC Branch 12 ditoy siudad ti Laoag gapu iti illegal a panagpukan ti kayo.
Kabayatanna, inpakaammo na a dagus met laeng a naited ti temporaryo a pannakawaya-waya ti akusado kalpasan a nagbayad ti pyansa nga 4,000 a pisos.
