LAOAG CITY – Nagballigi dagiti otoridad a nangtiliw ti maibilang kas Most wanted Person ditoy probinsya.
Ti akusado ket agtawen ti 52, awanan ti asawa, mannalon, taga Brgy. 16-A, Madupayas iti ili ti Badoc ngem natiliw daytoy iti Barangay 3, San Ildefonso iti ili ti San Nicolas.
Natiliw ti akusado babaen ti bileg ti warrant of arrest nga inparuk-at ni Hon. Judge Maribel Baquiran Mariano-Arriola, presiding judge iti Regional Trial Court branch 6 iti siudad ti Batac gapu iti kaso na a panagrames.
Awan ti nairekomendar a pagpiyansa ti akusado para iti temporaryo a pannakawaya-waya na.
