LAOAG CITY – Balligi a naarestar ti maysa a Wanted Person a Top 6 Provincial Level.
Daytoy ket babaen ti nagtitipon a puersa ti Pasuquin Municipal Police Station kas lead unit pakairamanan ti PIU INPPO, PIT Ilocos Norte-RIU1, 1st INPMFC INPPO, 101st RMFB1, 114SAC ken 11SAB.
Nabigbig ti suspek a ni George Cafirma Nolasco Jr., agtawen ti 45, awanan asawa, mannalon ken residente ti Barangay 5, Davila iti ili ti Pasuquin.
Natiliw ti suspek babaen iti bileg ti Warrant of Arrest a napetsaan idi Marso 24 nga inyisyu ni Hon. Charles Javier Magpale Calapini, Presiding Judge, Regional Trial Court, Branch 19 Bangui, Ilocos Norte gapu iti panaglabsing iti section 5 wenno Illegal Sale of Dangeruous Drugs, panaglabsing iti section 12 wenno Illegal Possesion of Drug Paraphernalia ken panaglabsing iti section 15 wenno Illegal Use of Drug Paraphernalia nga awan ti nairekomendar a pagpiyansana.
