LAOAG CITY – Natiliw ti maysa a wanted person babaen ti bileg ti warrant of arrest.
Nabigbig ti akusado a ni Benedict Lazo y Gacula, agtawen ti 41, naasawaan ken tubo iti Brgy. Fortuna iti ili ti Marcos.
Segun kenni Police Major Sheryl Guzman, pannakangiwat ti Ilocos Norte Police Provincial Office, natiliw ti wanted person iti Las Piñas City.
Sumangsango ti akusado iti kaso a panaglabsing iti RA 9262 wenno Vaiolence Against Women and Their Children Act of 2004.
Nairekomendar ti 24 a ribo a pisos a pyansa ti akusado para iti temporaryo a pannakawaya-waya daytoy.
Napetsaan ti warrant of arrest idi Disyembre 17, 2015 manipud iti RTC Branch 4 iti Tuguegarao City, Cagayan.
Manamnama a maipaima ti akusado iti korte a naggapuan ti warrant of arrest.
