LAOAG CITY – Balligi a naarestar ti maysa a wanted person iti probinsya ti Bataan.
Nabigbig ti akusado a ni Hanival Anno Y Artates, agtawen ti 41 agnanaed iti Cataasan, Dinalupihan, Bataan ngem tubo iti Brgy. Madamda iti ili ti Dingras.
Segun ken ni PLt. Col. Marceliano Desamito Jr., commander iti 1st PFMC iti INPPO a nakikoordinar da iti Dinalupihan PNP para iti pannakaiserbi ti warrant of arrest kontra iti suspek.
Kuna na a daytoy ket gapu iti kaso a frustrated homicide ken naiparuk-at idi Setiembre 27, 2006 ken inyetnag ni presiding judge Manuel Arnel Jr. Iti RTC Branch 65 ditoy siudad ti Laoag.
Nairekomendar ti 24,000 a piyansa ti akusado a nagtalinaed iti kustodyar ti PFMC ken manamnama a maiturn-over iti korte a naggapoan ti warrant of arrest.
