LAOAG CITY – Balligi a natiliw ti maysa a wanted person babaen ti naiyuswat a joint operation ti PNP-San Nicolas ken Allacapan Municipal Police Station idiay Barangay Tambuli, Allacapan, Cagayan.
Nabigbig daytoy a ni Nestor Acosta y Damo, 45, naasawaan, maysa a mannalon ken residente iti nasao a barangay.
Naarestar ni Acosta babaen ti Alias Warrant of Arrest gapo iti panaglabsing na iti Sec. 261 iti Omnibus Election Code.
Naiparuk-at ti warrant of arrest babaen kenni Hon. Judge Nida B. Alejandro, Presiding Judge ti RTC Branch 12 ditoy ciudad ti Laoag idi Pebrero 17, 2020.
Narekomendaran daytoy ti 12,000 a pisos a pyansa ken nagtalinaed daytoy iti kustudiyar ti PNP-San Nicolas.
