LAOAG CITY – Balligi a natiliw ti maibilang a wanted person idiay Barangay 51-A, Nangalisan ditoy ciudad ti Laoag.
Nabigbig dayto a ni Vitoriano Lim y Santiago, agtawen ti 35, seperated, maysa a construction worker, tubo idiay ciudad ti Dagupan.
Segun kenni Police Chief Inspector Nelson Apostol, mangidadaulo ti PNP-CIDG iti INPPO, natiliw ti lalaki babaen ti bileg ti warrant of arrest gapo iti kaso na a murder.
Ti warrant of arrest ket inparuk-at ni Hon. Julis F. Calate, acting presiding judge ti RTC Branch 42 idiay ciudad ti Dagupan a napetsaan ti Enero 4, 2019.
Awan ti nairekomendar a pagpyansa ti nasao nga akusado.
Iti agdama ket naibyahen idiay ciudad ti Dagupan ti nasao lalaki.
