LAOAG CITY – Naarestar ti maibilang a wanted person ditoy ciudad ti Laoag babaen ti PNP-Sarrat.
Immuna iti daytoy, inyimplementar ti PNP-Sarrat iti panangidaulo ni Chief Inspector Roldan Suitos, hepe ti nasao nga ili ti warrant of arrest kontra kenni Carl Bryan Oalog, taga Brgy 1, San Lorenzo gapo ti kaso na a direct asult.
Naamoan a bayat ti panangiserbi da ti warrant of arrest ket nakiballaet ti agnagan ti Jasper Daoang, agtawen ti 33, awanan ti asawa ken residente ti Brgy. 51-A Nagalisan iti ciudad ti Laoag isut gapo na a nakalibas ni Oalog.
Iti agdama ket nagtalinaed ni Daoag iti kustudiyar ti PNP-Laoag idinto a ni Oalog ket adda iti PNP-Sarrat.
Kabayatanna, inlawlawag ni Police Chief Inspector Roldan Suitos, chief of police ti PNP-Sarrat a saan laeng a nakiballaet ni Jasper Daoang bayat ti panangiserbi da ti warrant of arrest kontra kenni Carlo Bryan Oalog.
Segun kenni Suitos, pinastrek na pay ni Oalog iti uneg ti apartment apaman nga adda dagiti kameng ti pulisya iti lugar da.
Malksid iti daytoy, kuna pay ni Daoang kadagiti otoridad a saan da a mabalin nga arestaren ni Oalog.
Inbatad ni Suitos nga ita nga aldaw ket manamnama a pilaan da ti kaso ni Daoang iti kaso nga obstruction of justice.
Immuna iti daytoy, natiliw ti agnagan ti Jasyon Santiago a taga Brgy. 17 iti ili ti Sarrat gapo ti kaso na nga estafa sakbay da nga inserbi ti arrest warrant kenni Oalog.
Kabayatanna, nagkedked a mangipaay ti naan-anay a reaksyon ni Daoang mainaig ti pannakatiliw na.
Nupay kasta, kunana laeng a sungbatan na ti aniaman a kaso a maipila kontra kenkuana.
