LAOAG CITY – Balligi a natiliw ti maysa a wanted person iti Brgy. 1 San Lorenzo iti siudad ti Laoag .
Binigbig ni Pol. Chief Msgt. Eric Bumagat, ti duty desk officer iti PNP-Laoag ti suspek a ni Rodel Daludadu y Era , agtawen ti 51, naasawaan,maysa a security guard ken residente iti Brgy. 29, San Juan iti ili ti Pasuquin.
Segun kenkuana, natiliw ti akusado babaen ti bileg ti warrant of arrest nga inyetnag ni Presiding Judge Jonathan Albano Asuncion iti MTCC, Branch 2 ditoy siudad gapu iti panagsalungasing ti presidential Decree 1602 wenno ti Anti Gambling Law.
Iti agdama, ket nagtalinaed iti kustodyar ti PNP-Laoag ti akusado ken manamnama a maiturn-over iti korte a naggapoan ti warrant of arrest.
