LAOAG CITY – Balligi a naarestar ti maysa a wanted person ditoy siudad ti Laoag babaen kadagiti kameng ti PNP-Nueva Era.
Ti akusado ket agtawen ti 39, naasawaan, mannalon ken residente iti Brgy. Sta. Rosa ditoy siudad.
Segun ken ni PLt. Tolentino Erum, ti hepe ti PNP-Nueva Era, tiniliw da ti akusado babaen ti bileg ti warrant of arrest manipod ken ni Hon. Judge Alejandro Cabebe iti RTC Branch 18 iti siudad ti Batac ken napetsaan iti Mayo 7, 1996 gapu iti kaso a qualified theft.
Nairekomendar ti 24,000 a pisos a piyansa ti akusado para iti temporaryo a pannakawaya-waya na.
Iti agdama ket nagtalinaed iti PNP-Nueva Era ti akusado.
