LAOAG CITY – Balligi a natiliw ti maysa a wanted person iti ili ti Bangui.
Nabigbig daytoy a ni Wilfredo Balanay Jr., agtawen ti 32, naasawaan ken residente iti Barangay 44, Zamboanga ditoy ciudad ti Laoag.
Segun iti INPPO, ti akusado ket natiliw a mismo iti pagtaengan na iti Barangay Zamboanga ditoy ciudad babaen iti bileg ti warrant of arrest.
Ti warrant of arrest ket inyetnag ni Hon. Ma. Victoria Aguinaldo Acidera, presiding judge ti First Municipal Circuit Trial Court iti Bangui-Pagudpud-Adams Dumalneg gapo iti kaso na nga Acts of Lasciviousness.
Nairekomendar met ti 36 a ribo a pisos para iti temporaryo a pannakawaya-waya na.
Iti agdama ket nagtalinaed iti kustudiyar ti PNP-Bangui ti nadakamat nga akusado.
