LAOAG CTTY – Balligi a natiliw ti Wanted Person iti Sitio Darungadong, Brgy. Catagtaguen, Banna, Ilocos Norte.
Binigbig ni Police Major Cris Anthony Sorsano, ti chief of police ti ili ti Banna ti akusado a ni Michael Abaton, agtawen ti 34, naasawaan ken residente iti nasao a barangay.
Segun kenni Sorsano, natiliw ti akusado babaen iti nagtipon a pwersa ti Banna Municipal Police Station, Regional Mobile Force Battalion 1, Provincial Intelligence Unit babaen iti bileg ti warrant of arrest.
Ti nasao a warrant of arrest ket inparuk-at ni Hon. Marvin Galacgac, Presiding Judge ti MCTC Banna- Nueva Era, 1st Judicial Region, gapo iti panaglabsing ti akusado ti Sec 6 iti Republic Act 8485 wenno a Animal Welfare Act of 1998.
Narekomendaran met daytoy ti 12 a ribo a pisos para iti temporaryo a pannakawaya-waya na.
Kabayatanna, manamnama met a maidatag ti akusado iti korte a naggapoan ti warrant of arrest.
Maipalagip a naireklamo ti akusado ken ti pagayam na gapo iti panangbakal na iti aso ti karruba da ken idi naudatal ket pinarti na daytoy.
