LAOAG CITY – Inbatad ni PMaj. Romnick Subia, ti mangidadaulo iti CIDG ditoy probinsya a maysa ti natiliw a wanted person iti ili ti Paoay.
Binigbig ni Subia ti akusado a ni Reynald Repato, agtawen ti 27, baro ken residente iti Brgy. Monte iti nasao nga ili.
Inbatad na a natiliw daytoy babaen iti bileg ti warrant of arrest nga inparuk-at ni Judge Felix Gabriel Salvado, ti presiding judgei iti RTC First Judicial Region Branch 17 iti siudad ti Batac gapu iti kaso a panagsalungasing iti PD 705 wenno ti Revised Forestry Code of the Philippines kalpasan nga iligal a nagpukan iti kayo.
Inlawalwag ni Subia a natiliw ti akusada bayat nga adda iti trabaho iti Brgy. Bacsil iti ili ti Paoay.
Kabayatanna, narekomendaran daytoy ti 40,000 a pisos a piyansa para iti temporaryo a pannakawaya-waya na.
Nagtalinaed ti akusada iti kustodiyar ti PNP-CIDG ken manamnama a maidatag iti korte a naggapoan ti warrant of arrest.
