LAOAG CITY – Nagballigi ti napagtipon a pwersa iti PNP-Bacarra ken PNP-Isabela a nangtiliw ti maysa a wanted person manipod ti ili iti Bacarra a napan naglemmeng idiay Barangay Alicia, Isabela.
Daytoy ti kinumpirmaran ni Police Chief Inspector Rodelio Santos, ti chief of police iti ili a Bacarra.
Binigbig ni Santos ti suspek a ni Alex Diniega, addaan iti umno a tawen, kameng ti Private Armed Group (PAG) ditoy probinsiya ken taga Barangay 27 ti ili iti Bacarra.
Inbatad na a 10 a tawen a naglemlemmeng ni Diniega iti nagduduma a lugar ken ti naudi ket idiay Isabela nga isu ti nakatiliwan da kenkuana.
Segun ken ni Santos, ni Diniega ket isu ti suspek ti pannakatay ti kabagyan na met laeng babaen ti panangbagkong na idi 2008.
Iti agdama, nagtalinaed ti suspek iti kustodyar iti PNP ti ili a Bacarra.
