LAOAG CITY – Nagballigi dagiti otoridad a nangtiliw ti maibilang a Rank No. 71 ti Provincial Anti-Private Armed Group and Dangerous Drug wanted List iti Ilocos Norte Police Provincial Office (INPPO) idiay Brgy. 6, Pagpandayan, Vigan City, Ilocos Sur.
Nabigbig daytoy a ni Joselito Arzadon y Tamayo, 44d, naasawaan, driver, taga Barangay Pias iti ili a Currimao ngem agdama nga agnanaed idiay Brgy. 6, Pagpandayan, Vigan City
Natiliw ni Arzadon babaen ti bileg ti maysa a warrant of arrest nga inparuk-at ni Judge Artemis M Quicula Jr, Presiding Judge iti MCTC Paoay-Currimao, Ilocos Norte gapu iti kaso na a Frustred murder ken panagdangran.
Kinumpirmaran ti CIDG-Ilocos Norte a ni Arzadon ket miembro ti gun for hire group ditoy probinsya.
Iti agdama, nagtalinaed iti kustodyar ti PNP iti ili a Currimao ni Arzadon.
