LAOAG CITY – Natiliw ti maysa a maibilang a wanted person idiay ciudad ti Batac.
Nabigbig ti akusado a ni Ericson Rafal y Cumuyod, agtawen ti 35, awanan ti asawa, mannalon ken residente ti Sitio Sapilang, Brgy. 26, Parangupong iti nasao a ciudad.
Naarestar daytoy iti mismo a pagtaengan da babaen ti bileg ti warrant of arrest nga inparuk-at ni Judge Elmer Bernardo iti MTCC iti ciudad ti Batac gapo ti kaso nga RA 10593 wenno ti illegal cutting of coconut trees.
Narekomendaran daytoy ti 12 a ribo a pisos a pyansa para ti pannakawaya-waya na.
Nagtalinaed daytoy iti kustudiyar ti PNP-Batac.
