LAOAG CITY – Natiliw ti maysa a wanted person babaen ti pannakaiserbi ti warrant of arrest iti pagtaengan na iti Brgy. 58 Casili ditoy siudad ti Laoag.
Iti panangidaulo ti Provincial Mobile Force Company babaen kenni Police Col. Marcelino Desamito Jr, inpabasa da ti warrant of arrest iti akusado nga agtawen ti 34, addaan ti kadendenna ken residente iti nasao a lugar.
Sumangsango ti akusado iti kaso a Grave Coercion ken nairekomendar ti 36 a ribo a pisos para ti temporaryo a pannakawaya-waya daytoy.
Nagtalinaed iti kustudyar ti PMFC ti akusado ken maidatag iti korte a naggapuan ti warrant of arrest.
