LAOAG CITY – Nairekomendar ti 72,000 a pisos a piyansya para ti temporaryo a pannakawayawaya ti akusado kalpasan a natiliw dagiti otoridad iti Brgy. Lydia iti ili ti Marcos.
Nabigbig ti akusado a ni Rodel Dalija y Damo, agtawen ti 36, naasawaan ken resident iti Brgy. 11 Nalvo, iti ili ti Pasuquin.
Immuna iti daytoy, inpatungpal dagiti kameng ti 2nd Provincial Mobile Force Company ken PNP Marcos ti warrant of arrest nga inparuk-at ni Hon. Judge Beatrice Caunan Medina iti RTC Branch 75, San Mateo, Rizal.
Nasalungasing ni Dalija ti RA 9262 wenno Violence Against Women and Their Children.
Naipan ni Dalija iti kustudyar ti PNP Marcos sakbay a maisubli iti naggapuan ti warrant of arrest.
