LAOAG CITY – Nagballaigi ti nagtitipon a pwersa ti Philippine National Police (PNP), Provincial Intelligence Unit (PIU) iti Ilocos Norte Police Provincial Office (INPPO) a nangtiliw iti maysa a wanted person iti mismo a pagtaengan da iti Barangay 25, Tubburan iti ili ti Bacarra.
Natiliw ti akusado nga agtawen ti 25, baro, mannalon ken residente iti nadakamat a barangay babaen iti bileg ti maysa nga standing warrant of arrest gapu iti kaso na a Reckless Imprudence Resulting in Homicide and Damage to Property.
Ti nasao nga standing warrant of arrest ket inparuk-at ni Ho. Presiding Judge Jaime D. Bugain iti Municipal Circuit Trial Court (MTCC), Santiago-San Esteban, Ilocos Sur a napetsaan ti Pebrero 2, 2022.
Nairekomendar ti 18 ribo a pisos a piyansa ti akusado para iti temporaryo a pannakawaya-waya na.
