LAOAG CITY – Natiliw ti maysa a wanted person babaen ti naiyuswat a checkpoint iti Brgy. 9, Lubnac idiay ili ti Vintar.
Indauloan ni Police Chief Inspector Jayson Batuyong, hepe ti PNP iti nasao nga ili ti checkpoint.
Nabigbig ti akusado a ni Arnold Palabugs y Sta. Rosa alyas Balot, agtawen ti 35, awanan ti asawa, mannalon ken residente ti Brgy. 1, San Roque iti nasao nga ili.
Naarestar babaen ti bileg ti warrant of arrest nga inyetnag ni Judge Nida Alejandro iti RTC Branch 11 iti ciudad ti Laoag a napetsaan ti Abril 10 ita a tawen.
Nairekomendar ti 80 a ribo a pisos para ti temporaryo a pannakawaya-waya ti akusado.
Mai-turn over ti kaso iti naggapwanna a korte.
