LAOAG CITY – Balligi ti panangtiliw dagiti kameng ti PNP-San Nicolas ti wanted person nga adda idiay Paniqui, Tarlac.
Segun kenni Police Major Joseph Tayaban, ti chief of police ti PNP-San Nicolas, ti akusado ket agtawen ti 64, naasawaan ken residente iti nadakamat a lugar.
Inbatad ni Tayaban a ti akusado ket addaan ti kaso nga estafa ken ti warrant of arrest ket inparuk-at ti RTC Branch 18 iti ciudad ti Batac.
Narekomendaran daytoy a makapagpyansa ti 16 a ribo a pisos para iti temporaryo a pannakaway-waya na.
Iti agdama, ti akusado ket nagtalinaed iti kutusiyar ti PNP-San Nicolas.
