LAOAG CITY – Naiparuk-aten ti warrant of arrest kontra kadagiti karaman iti ₱96.5M ghost flood control anomaly iti Davao Occidental, karaman ditoy ni Sara Discaya ken dadduma pay nga empleado ti Department of Public Works and Highways.
Daytoy ti kinumpirmaran ni Presidente Ferdinand Marcos Jr.
Segun ken ni Presidente Marcos, dagiti akusado ket sumangsango ti graft ken malversartion, ken dagitoy a kaso ket saan a mapiyansaan.
Inpasingked ti presidente nga agtultuloy ti panagimbestigar ken panangipila da ti kaso kontra kadagiti amin nga adda ti pakainaigan na kadagiti maanomalya ken ghost flood control projects iti pagilian.
Innayon na a saan laeng a makasoan dagiti maseknan no di ket siguradwen da a maisubli amin dagiti nabusbos ken napukaw a pondo ti umili.
