LAOAG CITY – Naminsan manen a nangabak ti Golden State Warriors iti preseason kalpasan nga inabakda ti Sacramento Kings iti iskor a 109 – 106.
Nagbalin nga episyente ti Warriors iti pakabuklan nga ay-ayam babaen ti 48.5 shooting percentage ken naiserrek ti 32 shots manipud iti 99 attempts.
Iggem ti Warriors ti free throw line ken nagserrek ti pakabuklan a 32 shots manipud iti 37 attempts no sadinno ti laeng 21 points ti nagbalin a sungbat ti Kings.
Iti baet daytoy, nakaro a pinarigatan ti Kings ti Golden State kalpasan a nakaaramid ti 16 steals-na.
Gapu iti daytoy, dumanon iti 23 ti turnover a naaramid ti Warriors iti pakabuklan ti laban.
Indauloan iti panagballigi ti Warriors ti forward a ni Moses Moody a kimmamada ti 23 points idinto a 19 points, 7 rebounds met ti kontribusion ti agpada a forward a ni Jonathan Kuminga.
Binagkat met ni De’Aaron Fox ti Kings a nakaibulsa ti 19 points ken pito a rebounds.
Iti agdama, awan pay ti abak ti Warriors iti uneg ti tallo a preseason game idinto a nagtalinaed a winless ti Sacramento.
