LAOAG CITY – Immabante iti 10 – 2 ti Golden State Warriors kalpasan nga inabakna ti Memphis Grizzlies iti iskor a 123 – 118.
Daytoy ket iti baet ti nababa nga scoring dagiti amin a Warriors player. Awan kadagitoy ti nakaaramid ti 20 points wenno ti nasursurok pay ken ti laeng 18 points ti kangatoan nga individual points babaen ken ni Buddy Hield.
Ti NBA superstar a ni Stephen Curry ket nalimitaran laeng iti 13 points ken walo a rebounds.
Nagbalin a bentahe ti Warriors ti panagtitinnulong dagiti 12 player ti koponan no sadinno nga amin dagitoy ket nakaaramid ti bukudda a shots.
Iti Grizzlies, saan met a naisalakan ni Jaren Jackson Jr. ti team-na iti baet ti 32 points.
Gapu iti pannakaabak ket addaan ti innem a pannakaabak ti Grizzlies.
