LAOAG CITY – Nalukatanen ti watchtower ruin iti Gabu Sur ditoy ciudad ti Laoag iti babaen ti City Government of Laoag, National Commission for Culture and Art ken iti National Museum of the Philippines.
Ibilang ti lokal a gobierno daytoy kas maysa kadagiti kapategan nga aldaw iti pakasaritaan ti ciudad, gapu ta mangipasimudaag daytoy iti pannakalagip kadagiti napaspasamak sakbay a nadanon ti ciudad ti agdama nga estado na.
Maipalagip a ti Gabu watchtower ket naipasdek idi Spanish colonial period ken maus-usar nga outpost para kadagiti tattao tapno mapakadaan da no addada pirata.
Malaksid iti Gabu Watchtower ruin ket napabaro metten ti tobacco monopoly nga immunan a naaramid idi 1982, no sadinno nga iti dayta a tawen ket mangipakpakita daytoy iti panagyaman ken ni King Alfonso XII iti Spain iti panaka-ikkat ti tobacco monopoly kalpasan ti 100 a tawen a panagrigrigat dagiti tattao.
Kabayatanna, dagitoy nga aktibidad ti ciudad ket paset pay laeng iti pannakaselebrar ti maika-19 a Charter Day Celebration ditoy ciudad ti Laoag.
