LAOAG CITY – Inpakaammo ni PLt. Tolentino Erum, ti hepe ti PNP iti ili ti Nueva Era a balligi a naarestar ti maysa a babai babaen iti bileg ti warrant of arrest.
Kuna na a daytoy ket gapu iti kaso panagsalungasing iti PD 1602 wenno ti anti illegal gambling law.
Inpakaammo na a ti suspek nga agtawen ti 31 ken naasawaan ket naarestar a mismo iti pagtaengan na iti Brgy. Casili ditoy siudad.
Segun ken ni Erum, saan met a nagrisistir ti suspek iti pannakarestar daytoy.
Naamoan a karaman ti suspek iti panagsusugal iti nasao a barangay itay napalabas a bulan ken nakalibas kabayatan ti pannakaiyuswat ti operasyon.
Iti agdama ket nagtalinaed iti kustodyar ti PNP-Nueva Era ti suspek ken narekomendaran ti 30,000 a ribo a pisos para iti pannakawaya-waya na.
