LAOAG CITY – Inpasingked ti gobierno iti publiko kangrunaanna kadagiti agnanaed iti Metro Manila a saan a makissayan ti suplay iti alokasion para iti irigasion kas panagsagsagana iti domestic consumption needs.
Inbatad ni Environment Undersecretary Carlos Primo David a makissayan ti 1 cubic meter per second ti maawat ti National Irrigation Administration para iti irigasion.
Inbatadna nga agtataripnongda tapno maammoan no pagtalinaeden ti 50-cms allocation iti Metropolitan Waterworks and Sewerage System wenno kissayan ti raw water nga al-alaen ti Angat Dam.
Nagdesision ti National Water Resources Board a saan a baliwan ti 50-cms allotment para iti Metropolitan Waterworks and Sewerage System manipod iti Mayo 1 agingga Mayo 15 tapno masolbar ti agtultuloy a panagngato ti demand para iti danum iti baet ti kinabara ti panawen.
Innayon ni David a tapno mapagtalined iti nasao a gagem ket masapol a kissayan ti irrigation allocation ngem posible nga agkasapulan ti National Irrigation Administration ti adu a danum iti Angat Dam inton sumaruno Hunio a bulan ti contract-growing schemes dagiti mannalon.
