LAOAG CITY – Manarimaan ti panakaiyakar ti water park para iti baro a lokasyon na.
Daytoy ti inpakaamo ni Mr. Aian Raquel iti Provincial Tourism Officer.
Inbatadna a ti nasao a water park ket orihinal a naestablisar iti Paoay Lake ngem maiyakar daytoy iti Milagrosa Cove iti ili ti Badoc.
Kunana a naobserbaran ti nadakamat a dewpartamento a nasulinek ti lokasyon ti Water Park ken narigat a danonen dagiti turista.
Nupay pay kasta, inpakaamona nga adda ti baro a lukatanda iti Paoay Lake, daytoy ket ti Paoay Lake keys no sadinno nga adda maikabil a centralize boats nga usaren dagiti turista tapno makapagpasyar iti nagduduma a paset ti Paoay Lake.
Namnamen met ni Raquel a dagitoy nga aktibidad ti Tourism Office ket agtultuloy met a supportaran dagiti kakailian.
