LAOAG CITY – Inpakaammo ni DENR Sec. Roy Cimatu a saan a sigurado no mabalin a pagdidigosan wenno maaramat para iti water sports ti Paoay Lake.
Daytoy ket mainaig ti pannakaipaay ti permit nga agoperar ti Paoay Lake Children’s water sports.
Inbilin na a dagus iti pannakaiyuswat ti testing iti danum no mabalin a mapagdidigusan ti dan-ao.
Inbatad ni Cimatu a no bilang makapasa ti eksaminasyon ti danum iti dan-ao ket agoperar ti water park.
No bilang saan a kwalipikado nga agoperar ti proyekto,inbalakad na ti pannakadalus ti dan-ao.
Naituding nga agoperar ti water park iti Paoay Lake intono Enero 28 ita a tawen.
