LAOAG CITY – Kinumpirmaran ni Police Chief Master Sergeant Harold Nicolas, mangidadaulo iti Provincial Drug Enforcement Unit iti INPPO, a saan nga agsardeng ti pannakaiserrek dagiti iligal a druga ditoy probinsya.
Kuna na a maipagarup a maipatpatulod dagitoy babaen ti Waybill ken dadduma a pagipatuludan gapu ta saan da a mabalin a sumikaten dagiti package.
Inbatad na nga immado ti access iti panagbiyahe ken panagserrek ti waybill agraman dagiti biyahe manipud iti Metro Manila idi naikkat ti Enhance Community Quarantine ken iti General Community Quarantine.
Segun kenni Nicolas, ti kangrunaan a maar-aramat, basar iti panagmonitor da, ket ti Waybill ken dadduma pay a courriers.
Maipalagip a nakakumpiskar da kadagiti bulto ti iligal a druga itay kallabes.
