LAOAG CITY – Inpetteng ni Mr. Herdy Yumol, maysa a sociologist ken professor iti Mariano Marcos State University (MMSU) a mariknan ti panagwaywayas iti Pilipinas.
Reaksyon daytoy ni Yumol mainaig ti maika-120 a tawen ti independence day a naselebraran idi kalman.
Inlawlawag na a maibaga a marikna ti wayawaya iti Pilipinas gapu ta saan a padikdiktaran iti sabali a pagilyan.
Kuna na a maipakat amin dagiti kayat nga ipatungpal ditoy pagilyan kas iti scarborough shoal a mapalubusanen dagiti mangngalap a Pilipino mapan agkalap.
Inpalagip na nga idi panawen ni dati a Presidente Noynoy Aquino ket awan pulos Pilipino a mapalubusan a mapan agkalap ti nasao a lugar.
Kuna pay ni Yumol nga awanen dagiti maparparigat ditoy pagilyan isut gapuna a para kenkuana ket mapnek ti panangidaulo ni Presidente Duterte.
