LAOAG CITY – Maiyallobug iti tradisyon dagiti Ilokano ti panagkasar da Atty. Ferdinand Richard Michael Marcos Manotoc kenni Ms. Carina Amelia Manglapus intono Sabado.
Adda ti maisayangkat a dallot ken panagbitor.
Inlawlawag ni Provincial Tourism Officer Ianree Raquel a maiwayat nga umuna ti panagbitor sakbay a maidasar dagiti taraon.
Mainayun daytoy iti makolektar a kuarta bayat ti panagmanu a maisayangkat apaman a makadanun dagiti nagkasar iti pakaangayan ti padaya a daytoy ti pangitedan dagiti ninong ken ninang ti kuarta a maikarga iti palto wenno pinggan.
Ti maukkon a kuarta ket pangrugyan dagiti agassawa ngem napagtulagan da a maidonar ti maukkon a kuarta idiay siudad ti Marawi para ti rehabilitasyon.
