LAOAG CITY – Inlawlawag ni Mr. Weigan Mendez, security aide ti Vice Mayor’s Office iti ili ti Vintar ti napasamak mainaig iti maipagarup a nagprobokar iti sango ti munisipyo itay kallabes.
Kuna na a birbiroken na ti wallet na ken inpagarup na a naregreg na daytoy iti abay iti MDRRMO ken nakalugan daytoy iti motorsiklo.
Segun kenni Mendez, nakita na ni Jolan Gapuzan ken nagrana da ket ditoy a nagdayamudom nga arig a manglalais.
Gapu iti daytoy, napan kinomprontar ni Mendez ni Gapusan ngem nakiballaet ti maysa a konsehal a nanglapped kenni Mendez.
Kalpasan na, naglugan ni Gapuzan iti service vehicle ti ili idinto nga agawid met ni Mendez ken mapanen iti exit ti munisipyo.
Dita a naklaat ni Mendez gapu ta nakasardeng ti pick-up a nagluganan ni Gapuzan rason a linagtuan na ti nagluganan na a motorsiklo ken naidungpar ti motorsiklo iti pick-up.
Inadmitir ni Mendez a nalibag na ti pick-up gapu ti luksaw na ti pannakaidungpar motorsiklo na.
Ti met palawag ni Gapuzan ket pinadanggisan ni Mendez bayat a nakalugan ti motorsiklo.
Kabayatanna, inbunannag ni Mendez a pinabasol ni Gapuzan seknan ti maipagarup a babbai ti inawagan na a Mayor Jo.
Daytoy ket mainaig iti napasamak a panagkakabil da iti Mayor’s Office idi tawen.
Kuna na naipabasol nga adda kenkuana dagiti ladawan dagiti babbai ti inawagan na a Mayor Jo gapu ta kalikagum da Mayor Foronda nga ipakita na daytoy.
Iti mainaig a damag, inlawlawag ni Mendez a napasamak ti panagkakabil da iti uneg ti Mayor’s Office kalpasan a napaayaban tapno agpalawag mainaig iti isyu.
Kuna na a napan nagreport iti opisina ti Mayor ngem nagsasarita da iti malem na.
Inbatad ni Mendez a nagballag kenkuana ti maysa a bodyguard ni Mayor Foronda nga adda ti kalibre 45 a paltog ni Mayor Montilla iti uneg ti opisina.
Napaayaban ni Mendez tapno pagpudnoen da ngem awan ti naibaga na mainaig iti ladawan ken dagiti chicks ni Mayor Jo.
Inbunannag na nga insawang Mayor Foronda nga adda ti mapasamak kenkuana no saan nga agpudno ngem saan na a masinunuo no anya ti mapasamak kenkuana.
Insarita ni Foronda kenkuana a saanen a mairenew ti appointment na ket dita a dinanog ni Mendez ni Mayor Montilla, idinto a dinanog ni Gapuzan ti akin likod a paset iti ulo ni Mendez.
Innayon na a kalpasan ti komosyon iti uneg ti opisina iti kallabes ket arig a luguban da babaen kada Mayor Montilla, ni Gapuzan ken ti agnagan ti Pacifico Simon nga agbanbantay iti ruwar.
Iti agdama, nakasagana ni Mendez a mangsungbat no anyaman iti maipataw kenkuana a pannusa babaen iti pagpapaayan na iti opisina ti Bise Mayor.
