LAOAG CITY – Nakasublin ti sports a weightlifting iti Palarong Pambansa.
Segun ken ni Samahang Weightlifting ng Pilipinas President Monico Puentevella, nagbalin a napintas ti resulta ti panagsasaritada ti sumurok 15 a tawen tapno iraman ti sports iti Palarong Pambansa a maiyuswat inton Mayo 24 agingga Hunio 2 iti Laoag City, Ilocos Norte.
Inbatadna a timmulong ni Olympic gold medalist Hidilyn Diaz Naranjo tapno maisubli ti nasao nga ay-ayam.
Mangnamnama daytoy a sumaruno met ti Commission on Higher Education tapno makabirok ti pagilian ti pambato kadagiti international sporting events.
Nagyaman ni Puentevilla ken ni Department of Education Secretary Sonny Angara gapu iti panangiraman iti nasao nga sports.
Kunana a no bilang makatulong ti Local Government Unit a makagatang kadagiti equipment ket sigurado nga ad-adun a medalya ti magun-od ti Pilipinas iti Olympics.
