LAOAG CITY – Naarestar ti agtagikua ti maysa a welding shop iti naisayangkat a drug buy-bust operation iti Barangay 8, San Agustin, Paoay, Ilocos Norte.
Nabigbig daytoy a ni Terry Vic Parubrub, welder, residente met laeng iti nadakamat a barangay.
Naala iti ikot ni Parubrub ti dua a sachet a naglaon ti maipagarop a shabu ken ti sangaribo a pisos a nausar iti operasyon.
Inpasingked met ni Parubrub a damo na ti makakita ti shabu ken awan ti ammo na iti akusasyon kenkuana.
Innayon na a saanna nga ammo no ania ti makaigapu nga insayangkatan da daytoy iti operasyon.
Kabayatanna, inbatad ni Police Master Sergeant Harold Nicolas, ti mangidadaulo iti Provincial Drug Enforcement Unit (PDEU) drug watchlist iti provincial level.
Malaksid iti daytoy, kuna ni Nicolas a ni Parubrub ket persons of interest da kadagiti mapaspasamak a motornapping incidents iti nasao nga ili.
