LAOAG CITY – Nagpirma ti tallo a tawen a contract extension ni Oralndo Magic center/forward Wendell Carter Jr. nga agbalor ti $59 million.
Gapu iti daytoy, agtalinaed ni Carter Jr. iti nasao a team agingga iti 2028 -2029 season.
Iti napalabas a season, ni Carter ket addaan ti average nga 11pts per game usar ti 52.5 shooting percentage.
Iggem pay ni Carter ti 8.5 rebounds iti kada ay-ayam iti uyneg ti karera na iti NBA.
Ti 6’10 a ni Carter Jr. ket No. 7 pick idi 2018 draft ken pinili ti Chicago Bulls.
Idi 2021, nai-trade ni Carter iti Magic ken nagbalin a dakkel a tulong tapno magun-od ti team ti playoff iti panagngudo ti regular season.
Maipalagip nga iti napalabas nga offseason, nagbalin a busy ti Magic iti panagpapirma kada Jonathan Isaac ken Franz Wagner para iti extension da. Innala met ti team ti free-agent guard a ni Kentavious Caldwell-Pope.
