LAOAG CITY – Addan iti Google Maps ita iti laud a paset ti West Philippine Sea.
Binigbig ti Google Maps ti West Philippine Sea iti mapada nga adda iti lokasion ti Scarborough wenno Panatag Shoal, pagkalapan a paset ti 200-nautical mile exclusive economic zone (EEZ) ti Pilipinas.
Ti awag a West Philippine Sea ket immuna a nausar idi 2012 ni dati a Presidente Benigno Aquino III a mangdakdakamat iti Exclusive Economic Zone ti Pilipinas nga adda iti uneg ti West Philippine Sea iti babaen ti Administrative Order No. 29.
Naammoan a karaman iti West Philippine Sea ti paset ti Luzon Sea, kabaybayan ti Kalayaan Island Group ken Bajo de Masinloc (Scarborough Shoal).
Iti baet ti ruling ti “Permanent Court of Arbitration” idi 2016 a pimmabor iti Pilipinas iti kaso nga inpila kontra iti China banag nga agtultuloy nga ipetpetteng ti China a kukuada ti paset ti West Philippine Sea iti baet nga adda iti uneg ti Exclusive Economic Zone ti Pilipinas.
