LAOAG CITY – Nakitinnulong ti Western technology ken finance iti Ukraine a mangisayangkat iti ginasut a long-range strike iti uneg ti Russia.
Daytoy ket iti laksid dagiti kaalyado ti North Atlantic Treaty Organization nga agkedked pay laeng a mangted iti pammalubos iti Ukraine nga agusar kadagiti munitions nga insuplay ti Western Country gapu iti panagbuteng a kumaru pay ti tension.
Gapu iti daytoy pinapigsa pay ti Ukraine ti long-range strikes-na iti uneg ti Russia iti napalabas a sumagmamano a bulan, no sadinno a nakairekordan ti naruay a drone a naipatayab kadagiti strategic targets iti sumagmamano a daras iti uneg ti makalawas.
Karaman iti target da dagiti air force bases, oil ken ammunition depots, agraman ti command centers.
Iti agdama, ikagkagumaan payen ti kompania ti Ukraine a mangpataud iti ginasut nga armado a one-way attack drone iti makabulan, no sadinno a nalaklaka ti gatad na dagitoy ngem kabaelan na ti makapataud iti umasping a drone iti Western Countries.
