LAOAG CITY – Ibilang ni Mr. Jerome Gerdon Jr., Trainer ti Volleyball Elementary Boys nga ‘history’ wenno pakasaritaan ti panangabakda kontra iti National Capital Region.
Segun kenkuana, saanda a ninamnama ti panagballigida iti nasao a laban gapu ta ikonsiderarda ti National Capital Region a maysa kadagiti naiget a kabinnalubal iti ay-ayam.
Inbatadna nga inbusbosda ti amin nga orasda iti panangisayangkatda ti panagsanay tapno magun-od ti panagballigida.
Kunana a kaaduan kadagiti miembro ti Volleyball Elementary Boys ti Western Visayas ket agturposton ti panagadalda isu a manamnama a mangbukeldanto ti baro a grupo.
Innayonna a daytoy met ti umuna a daras a nakipasetda ti Palarong Pambansa.
