LAOAG CITY – Inakusaran ti White House ti Nobel Committee nga ipangpangruna na ti pulitika ngem iti kapya.
Daytoy ket kalpasan a nangabak iti Nobel prize iti Venezuelan pro-democracy activist imbes a ni US President Donald Trump.
Segun kenni White House communications director Steven Cheung, itultuloy ni Trump ti mangaramid iti addang para iti kapya, panagsardeng ti gubat ken panangisalbar iti biag.
Ummuna iti daytoy, inrakurak ti komite a nangabak ni María Coria Machado iti Peace Prize gapo iti trabaho na iti panangitandudo iti democratic rights para kadagiti tattao iti Venezuela.
Iti napalpalabas nga aldaw, inbagan ni Trump nga interesado iti award nangruna ket ibilang na nga isuna ti rason iti panagsardeng iti sumagmamano a global conflicts.
Karaman daytoy iti rakurak na iti panagbitla na iti UN General Assembly idi Setyembre.
Kabayatanna, inbatad met ti maysa nga senior White House official a tinawagan ni Trump ni Machado tapno kablaawan.
