LAOAG CITY – Nakasaritan ti nangato nga opisial ti White House ti Chief Operating Officer ti CrowdStrike ti cybersecurity company a nangrugian ti nalawa a global IT outage a nakaapektar ti nauray a negosio, erupuerto ken dagiti bangko iti intero a lubong.
Segun ken ni Deputy National Security Advisor for Cyber and Emerging Technologies on the National Security Council Anne Neuberger a tinawaganna ni CrowdStrike CEO George Kurtz tapno siguradoen ti problema ket saan a gapu iti malicious attacker.
Inbatadna nga agtultuloy ti isaysayangkatda nga assessment no mano ti balor ti epekto ti nasao a global outage.
Naabisoanna metten ni United States President Joe Biden maipapan iti nasao a problema.
Immunan a dimmawat ti panagpadispensar ni Kurtz a ti nasao nga insidente ket gapu iti “faulty update” ti computer system-da.
