LAOAG CITY – Nagpanawagan ti White House ti natalna a tignay-protesta kadagiti unibersidad idiay Estados Unidos.
Segun ken ni National Security Council spokesman John Kirby nga addaan ti 274 a tattao kadagiti uppat nga unibersidad ti naarestarda ita laeng a weekend.
Sumagmamanon a lawas a mangisaysayangkat ti tignay-protesta dagiti unibersidad idiay Amerika dagiti pro-Palestinian protest.
Inbatad ni Kirby nga iresrespetarda ti karebbengan ti natalna a tignay-protesta.
Maipalagip a nangrugi ti tignay-protesta iti Columbia University idiay New York ken sipod idin ket aliston a nagwaras iti pagilian.
