LAOAG CITY – Inrekomendar ti World Health Organization kadagiti pagilian ti agtultuloy a pannakabakunada kontra ti HPV kadagiti agtawen uppat nga ubbing a babbai.
Inbatad ni Anthony Scott, ti mangidadaulo ti World Health Organization Strategic Advisory Group of Experts on Immunisation (SAGE) nga adda ti 165 a pagilianen ti nangipayam-ammo ti human papillomavirus vaccine.
Daytoy ket gapu iti agtultuloy a panagngato ti kaso ti kanser kadagiti babbai no sadinno nga adda ti 604,000 baro a kaso ken agarup 280,000 a pannakatay iti 2024.
Iti ngudo ti 2025, sumurok 95 million a babbain ti nakaawat ti HPV vaccines.
Kabayatanna, ti cervical cancer ti kangrunaan a rason ti pannakatay dagiti babbai iti 26 a pagilian kangrunaan kadagiti sub-Saharan Africa ken nagduduma a paset ti South ken Central America, Melanesia, ken southeast Asia.
