LAOAG CIY – Indeklara ti World Health Organization (WHO) a kas global health emergency ti monkeypox outbreak idiay Africa.
Ti nadakamat a highly contagious disease wenno amammo kas monkeypox iti 450 nga indibidual kas initial outbreak idiay Democratic Republic of Congo.
Nagwaras ti sakit iti paset ti central ken east Africa, no sadinno maseksnan dagiti sientista no kasano kaparatak ti panagwaras ti baro a variant ti mpox nga addaan iti nangato a high fatality rate.
Maibasar iti panagtataripnong ti nadakamat nga organisasion babaen iti emergency mpox committee-da a ti makapapatay a strain ti clade Ib virus ti immuna a nakontrol idiay Democratic Republic of Congo.
Kalpasan ti virtual meeting dagiti independent experts, binalakadanda ni World Health Organization Director-General Tedros Adhanom Ghebreyesus iti panagraira ti sakit.
Gapu iti daytoy, inanunsio ti organisasio ti public health of international concern, ti kangatuan a level ti alarm iti sidong ti international health law.
Maipalagip nga immunan nga indeklara ti Africa Center for Disease Control and Prevention ti panagraira ti nadakamat a sakit kalpasan a nakairekord iti nasurok a 17,000 a kaso sipud pay idi Enero ken nakatayan ti nasurok a 500 a tattao.
Ti Mpox wenno pagaammmo kas monkeypox, ket maysa a sakit a gapu iti virus a napartak nga agwaras kadagiti tattao manipud kadagiti animal nga addaan iti daytoy.
Mabalin laeng nga agwaras ti sakit babaen ti close contact kas iti panagsagid, pannakidenna, kasta met ti panagusar kadagiti bed sheet ken kawes dagiti naakaran iti daytoy.
Sumagmamano kadagiti sintomas ti mpox ket pakairamanan ti skin rash a buyugan ti panaggurigor, panagsaksakit ti ulo, susuop, likud ken agkakapsot.
