LAOAG CITY – Madanagan ti World Health Organization (WHO) iti iyaadu ti bilang dagiti mabisbisin nga ubbing idiay Gaza.
Segun ken ni World Health Organization Director-General Tedros Adhanom Ghebreyesus, uray no maitulod ti taraon idiay Gaza, dumanon iti dandani 2,000 ti bilang dagiti ubbing ti makapaspasar iti nakaro a nakaro a malnutrision.
Maibasar iti datos, adda nasurok a 8,000 nga ubbing nga agtawen iti 5 ti na-diagnose nga addaan iti acute malnutrition agraman ti 1,600 nga ubbing nga addaan iti nakaro nga acute malnutrition.
Kabayatanna, dadduma kadagiti rason a nasarakan ket ti kinakurang ti nadalus a danum ken sanitation, rason nga umad-adu ti bilang dagiti malnourished nga ubbing idiay Gaza.
