LAOAG CITY – Madanagan ti World Health Organization iti kumarkaro nga health crisis iti West Bank.
Segun ken ni World Health Organization Director-General, Tedros Adhanom Ghebreyesus, agingga a saan nga agsardeng ti rinnupak iti nagbaetan ti Israel ken Hamas ket naruay a sibiliian ti agsakit.
Dumanonen iti sumurok 500 a Palestino ti natay manipod iti West Bank a pakairamanan ditoy dagiti 124 nga ubbing sipod pay idi bulan ti Oktubre.
Naammoan nga adda ti sumurok 5,150 a tattao metten ti nasugatan pakairamanan dagiti 800 nga ubbing.
Gapu iti daytoy, nagpanawagan ti World Health Organization ti madagdagus a panangipaay ti seguridad para kadagiti sibilian ken pakairaman dagiti imprastraktura.
