LAOAG CITY – Talantanen dagiti miembro ti World Health Organization ti panangkissay iti pundoda a $400 milyon maipanggep iti addang ni United States President Donald Trump a panagikkat ti Estados Unidos kas kadakkelan a pundo ti gobierno.
Ti pannakakissay ti pundo ket mapagnunumoan agingga inton Pebrero 13 iti Geneva meeting kadagiti pannakabagi ti miembro ti estado ti panangpundo ti ahensia ken agtrabaho para inton 2026-2027.
Insingasing ti executive board a maputed ti seksion dagiti pangibasaran a programa ti pundo manipud iti naisingasing a $5.3 bilyon agingga $4.9 bilyon.
Daytoy ket kas paset iti nalawa a $7.5 bilyon a pundo para iti 2026-2027 nga orihinal a naisingasing pakairamanan ti kuarta tapno malappedan ti polio ken no adda ti emerhensia.
